എൽ മോണ്ടെ, അമേരിക്കൻ ഐക്യനാടുകളിൽ ദക്ഷിണ കാലിഫോർണിയയിലെ ലോസ് ഏഞ്ചൽസ് കൗണ്ടിയിൽ സ്ഥിതിചെയ്യുന്ന ഒരു റെസിഡൻഷ്യൽ, വ്യാവസായിക, വാണിജ്യ നഗരമാണ്. ലോസ് ഏഞ്ചലസ് നഗരത്തിനു കിഴക്ക് സാൻ ഗബ്രിയേൽ താഴ്വരയിലാണ് ഈ നഗരം സ്ഥിതിചെയ്യുന്നത്. എൽ മൊണ്ടെ നഗരത്തിൻറെ മുദ്രാവാക്യം "വെൽക്കം ടു ഫ്രണ്ട്ലി എൽ മോണ്ടെ" എന്നാണ്. ചരിത്രപരമായി ഈ നഗരം "എൻഡ് ഓഫ് ദി സാന്ത ഫെ ട്രെയിൽ" എന്നറിയപ്പെടുന്നു. 2000 ലെ സെൻസസ് പ്രകാരം 115,965 ആയിരുന്ന ഈ നഗരത്തിലെ ജനസംഖ്യ 2010 ലെ സെൻസസിൽ 113,475 ആയി കുറഞ്ഞിരുന്നു. 2010 ലെ സ്ഥിതിവിവര കണക്കുപ്രകാരം കാലിഫോർണിയയിലെ ഏറ്റവും വലിയ 51 ആമത്തെ നഗരമായിരുന്നു എൽ മോണ്ടെ.